གཏམ་བཤད་མཁན་རྣམས།

སྐུ་ཞབས་ཌེ་ཝེ་ཌིབྷི་རཱ་ཌི་ལེ་ལགས༼མཇུག་རྫོགས་ཀྱི་གཏམ་བཤད་མཁན༽ནི་ཨོ་སི་ཁྲི་ལི་ཡའི་ལཱ་ཋི་རོབ་སློབ་གྲྭ་ཆེན་མོར་རྟེན་གཞི་བྱས་ཤིང་རྒྱ་ནག་དང་ཧྥ་རན་སི། ཐེ་ལན་དང་ཡིན་ལན་བཅས་སུ་ གདན་ཞུས་སློབ་དཔོན་ཆེན་མོའི་ལས་འགན་འཁུར་བའི་སྐུ་ཞབས་ཌེ་ཝེ་ཌིབྷི་རཱ་ཌི་ལེ་ལགས་ཀྱིས་ བོད་དང་འབར་མའི་སྐད་ཡིག་ཐད་ཀྱི་སྤྱི་ཚོགས་སྐད་བརྡ་རིག་པ་དང་ལོ་རྒྱུས་སྐད་བརྡ་རིག་པ། དེ་བཞིན་སྐད་ཡིག་རྒྱུན་འཛིན་དང་སྐད་ཡིག་སྲིད་ཇུས་བཅས་ཀྱི་ཐད་ཕྱག་ལས་གནང་གི་ཡོད། ཁོང་གིས་ད་བར་དུ་< <སྐད་ཡིག་ཉམས་ཉེས་དང་སྐད་ཡིག་རྒྱུན་འཛིན་>>ཞེས་པ་ཚུད་ པའི་དཔེ་དེབ་༢༨བརྩམས་པའམ་རྩོམ་སྒྲིག་བྱས་ཡོད། ཁོང་ནི་ཨོ་སི་ཁྲི་ལི་ཡའི་སྤྱི་ཚོགས་ཚན་རིག་ ཞིབ་འཇུག་ཁང་དང་ཨོ་སི་ཁྲི་ལི་ཡའི་སྤྱི་ཚོགས་རིག་གནས་ཞིབ་འཇུག་ཁང་གི་ཞིབ་འཇུག་པ་དང་། རྒྱལ་སྤྱིའི་གཏན་འཇགས་སྐད་བརྡ་རིག་པའི་ལྷན་ཚོགས་ཀྱི་རྒྱུན་ལས་ལྷན་ ཚོགས་ཀྱི་ཚོགས་མི་བཅས་ཡིན།

སྨིག་ལོསའཁོན་ཐར་ལགས་ནི་སཱེ་གེ་ཌི་སློབ་གྲྭ་ཆེན་མོའི་སློབ་དཔོན་ཆེན་མོ་དང་གྲོང་ཁྱེར་བུདྷ་པེ་སི་ཋི་རུ་ཡོད་པའི་ཧང་གཱ་རིའི་ཚན་རིག་ཞིབ་འཇུག་ཁང་སྐད་བརྡ་རིག་པའི་སློབ་གླིང་གི་སྤྱི་ཚོགས་སྐད་ བརྡ་རིག་པ་ཞིབ་འཇུག་ཚོགས་ཁག་གི་འགོ་གཙོ་ཡིན། ཁོང་གི་ཞིབ་འཇུག་གི་ཁ་ཕྱོགས་གཙོ་བོ་ ནི་ཧང་གཱ་རིའི་སྐད་རིགས་སྣ་ཚོགས་ཀྱི་སྐོར་ཡིན། ཁོང་གིས་ཞིབ་འཇུག་བྱེད་ཡུལ་ནི་སི་ལོ་ ཝ་ཁེ་ཡ་དང་ཡུ་ཁུ་རེན། རོ་མ་ནི་ཡ། སེར་བྷི་ཡ། ཁི་རོ་ཤི་ཡ།སི་ལོབ་ནི་ཡ།ཨོ་སི་ཁྲི་རི་ཡ་བཅས་ སུ་སྤྱོད་བཞིན་པའི་རིགས་མི་འདྲ་བའི་ཧང་གཱ་རིའི་སྐད་རིགས་སྣ་ཚོགས་དང་། ད་དུང་ཧང་གཱ་རི་དང་ ཨ་མེ་རི་ཁའི་སྐད་གཉིས་ལམ་ལུགས། དེ་བཞིན་སློབ་གསོའི་སྐད་བརྡ་རིག་པ་དང་སྐད་བརྡའི་ཐད་ ཀྱི་འགྲོ་བ་མིའི་ཐོབ་ཐང་སོགས་ཡིན། ཁོང་ལ་བརྩམས་ཆོས་མང་བོ་ཡོད་པ་ལས་ཁོང་གིས་ རྩོམ་སྒྲིག་གནང་བ་ཁག་ནི་< <ཧང་གཱ་རིའི་སྤྱི་ཚོགས་སྐད་བརྡ་རིག་པ།>>(C.ཕི་ལེ་དང་ལྷན་དུ་ བསྒྲུབས་པ༼རྒྱལ་སྤྱི་སྤྱི་ཚོགས་སྐད་ཡིག་དུས་དེབ་སྟེང་།)དང་། <<སྐད་ཡིག:ཐོབ་ཐང་ ཞིག་དང་ཐོན་ཁུངས་ཤིག་སྟེ། སྐད་བརྡའི་ཐད་ཀྱི་འགྲོ་བ་མིའི་ཐོབ་ཐང་ལ་བལྟ་བ> >(R.ཧྥི་ལིབ་ སོན་དང་T.ཀུད་ནབཀངྒ། T.ཝར་ཌེའེ་བཅས་དང་ལྷན་དུ་བསྒྲུབས) དང་< <དབུས་ཤར་ཡོ་རོབ་ནང་གི་ སྐད་རིགས་འབྲེལ་འདྲིས་(༢༠༠༠ལོའི་ཡོངས་འདུས་སྐད་རིགས་སྟེང་།)>>བཅས་སོ།།

མཱ་རིའེ་ལེཕི་རིན་སི་ལགས་༼ཚོགས་འདུའི་འགོ་འཛིན་པ༽ཀྱི་མི་རྒྱུས་ནི་ཧོ་ལན་རྒྱལ་ཁབ་ནས་ཡིན་ལ་གྲོང་ཁྱེར་ཁྲེང་ཏུའུ་དུ་དུས་ཡུན་རིང་བོའི་གཞིས་སྡོད་པ་ཞིག་ཡིན། ཁོ་མོས་རྒྱ་ནག་གི་སི་ཁྲོན་ཞིང་ ཆེན་གྱི་ནུབ་བྱང་ས་ཁུལ་དུ་མི་གྲངས་༡༥༠༠༠༠ལྷག་གིས་བེད་སྤྱོད་བཞིན་པའི་རྒྱལ་རོང་ཡུལ་སྐད་ཀྱི་སྐད་གདངས་དང་བརྡ་སྤྲོད་སྐོར་ཞིབ་འཇུག་བྱེད་བཞིན་ཡོད། མ་ཟད། ཁོ་མོས་ཨ་མདོའི་བོད་སྐད་ གཅིག་སྒྱུར་སྐོར་གྱི་སྣང་ཚུལ་ཐད་ཀྱང་ཞིབ་འཇུག་བྱེད་བཞིན་ཡོད།ཁོ་མོས་རྒྱལ་རོང་གི་ཡིག་རྙང་གསོག་ཉར་བྱས་པ་དང་ཆབས་ཅིག་རྒྱལ་རོང་ཡུལ་སྐད་ནང་གི་ཐ་སྙད་སྐོར་གྱི་ཞིབ་འཇུགས་གྲངས་མེད་ཅིག་བྱས། འདས་པའི་ལོ་བཅུའི་རིང་ཁོ་མོས་བོད་ཀྱི་ཁམས་དང་ཨ་མདོའི་ས་ཁུལ་དུ་ཡར་རྒྱས་ལས་ གཞི་སྤེལ་བཞིན་པའི་རྒྱལ་སྤྱིའི་ཐེབས་རྩ་ཚོགས་པ་མང་བོའི་ནང་དུ་ཕྱག་ལས་གནང་

སྐུ་ཞབས་ལྗེ་ཧྥེརཤེ་ཧོ་ལིས་ལཱ་སྨི་མཆོག་ནི་ཁཱ་ན་ཌའི་ཁར་ལེ་ཋོན་སློབ་གྲྭ་ཆེན་མོའི་སྐད་བརྡ་རིག་པ་དང་སྐད་ཡིག་ཞིབ་འཇུག་གླིང་གི་ཕྱག་རོགས་སློབ་དཔོན་ཆེན་མོ་ཡིན། ཁོང་གིས་སྐད་ཡིག་གི་ ནུས་པ་དང་སྤྱི་ཚོགས་འཚོ་བའི་ནང་གི་སྐད་ཆ་ལ་དག་ཐེར་དང་གོ་རྟོགས་ཡོང་ཆེད་འབད་བརྩོན་གནང་ བཞིན་ཡོད། ཁོང་གི་སློབ་གསོ་དང་ཞིབ་འཇུག་ཕྱོགས་ཀྱི་འདོད་མོས་ནི་སྐད་ཆ་ལ་དག་ཐེར་དང་ ཉམས་ཞིབ། སྐད་ཡིགརྒྱལ་ཁབ་དང་མི་རིགས་ཀྱི་ངོ་བོ་ངོས་ལེན། གྲངས་ཉུང་མི་རིགས་སྐད་ཡིག་ སྟེང་གི་གསར་འཕྲིན་སྤེལ་ལམ། སྐད་ཡིག་གི་སྲིད་ཇུས་དང་འཆར་འགོད་བཅས་ཡིན། ཁོང་གི་ འབུམ་རམས་པའི་ཐོབ་ཐང་ཆེད་དུ་བརྩམས་པའི་དཔྱད་རྩོམ་ནང་དུ་ཁཱུར་ཌིའི་མི་རིགས་གཙོ་བོ་བྱས་ ནས་མི་རིགས་ཀྱི་ངོ་བོ་དང་སྐད་ཡིག་གསར་འཕྲིན་སྤེལ་ལམ་གསར་བའི་བར་གྱི་འབྲེལ་གཏུག་དང་ཕན་ཚུན་ལ་ཐེབས་པའི་ཤུགས་རྐྱེན་སྐོར་ཞིབ་འཇུག་བྱས་ཡོད། མིག་སྔར། ཁོང་གིས་ཞིབ་འཇུག་གི་ ཕྱག་ལས་གཙོ་བོ་ནི་ཁཱུར་ཌིའི་སྐད་ཡིག་གི་འཆར་འགོད་དང་སྲིད་ཇུས་སྐོར་རེད།

ཁམས་དང་།ཨ་མདོ་དང་དབུས་གཙང་ནས་ཕེབས་པའི་གཏམ་བཤད་མཁན་རྗེས་ནས་ཁྱབ་བསྒྲགས་བྱེད་ རྒྱུ་ཡིན།

རེའུ་མིག་ཕབ་ལེན།
ཀླད་དུ་ཕྱིར་ལོག