• མདུན་ཤོག
• ཀུན་ཕན་གྱི་སྐོར།
• ལས་གཞི།
•  རོགས་དངུལ་དང་རྒྱབ་སྐྱོར།
•  ཚོགས་འདུ།
•  གསར་འགྱུར།
•    རྒྱུ་ཆ།

ཞིབ་འཇུག་གི་རོགས་རམ་བྱ་དགའ།

 

 

ཞིབ་འཇུག་གི་རོགས་རམ་གསལ་བསྒྲགས།

ཀུན་ཕན་ཐེབས་རྩེ་ཚོགས་པས་དགའ་བོས་ངང་༢༠༡༢་ནས་༢༠༡༣ལོའི་བར་གྱི་ཞིབ་འཇུག་གི་རོགས་རམ་བྱ་དགའ་གསལ་བསྒྲགས་བྱེད་རྒྱུ་ཡིན།        བྱ་དགའ་འདིའི་དམིགས་ཡུལ་ནི་ཆེད་ལས་བ་དང་།མཁས་པ་དང་སྒྱུ་རྩལ་པ་རྣམས་ལ་རྒྱབ་སྐྱོར་བྱེད་ནས་སྤྱི་ཚོགས་ཚན་ རིན་དང་།  སྒྱུ་རྩལ་རིག་གནས་དང་ཚན་རིན་བཅས་རིག་གནས་ཁག་ནས་མུ་མཐུད་ད་ུཤེས་བྱ་ཐོབ་པའི་ཆེད་དུ་ཡིན།         ལས་གཞི་འདིས་ཀྲོང་གོའི་བོད་ཁུལ་དུ་སྤེལ་བཞིན་པའི་དེང་རབས་ཅན་དུ་འགྱུར་བའི་རྒྱུད་རིམ་ནང་གི་རྙོག་འཛིངས་སོགས་རྒྱུས་ཡོད་བྱེད་པར་ཕན་པའི་ཞིབ་འཇུག་གི་བྱེད་སྒོ་ལ་རྒྱབ་སྐྱོར་བྱེད་ནས་མཐའ་མིའི་གྲུབ་འབྲས་སུ་རྒྱུན་གནས་ཐུབ་པ་དང་ས་གནས་ཀྱི་རིག་གནས་དང་འབྲེལ་ཡོད་ཀྱི་འཕེལ་རྒྱས་ཀྱི་མ་དཔེ་རྣམས་ངོས་འཛིན་བྱེད་པར་ཡིན།

ང་ཚོས་ལོ་རེར་རིང་ན་ཟླ་བ་༡༢་ལ་རྒྱ་ནག་ནང་དང་རྒྱལ་སྤྱི་ཡང་ན་གཉིས་འཛོམ་གྱི་ཞིབ་ འཇུག་རོགས་རམ་གྱི་བྱ་དགའ་འབུལ་གྱི་ཡོད།   ཞིབ་འཇུག་བྱ་དགའ་འདིས་ཞིབ་འཇུག སྐབས་ཀྱི་འགྲིམ་འགྲུལ་དང་། སྨན་བཅོས་གྱོང་སྐྱིན་དང་ཉེན་བྱོལ་གྱོང་སྐྱིན། ཞིབ་འཇུག་གིྱ་བྱེད་སྒོ་དང་འབྲེལ་ཡོད་ཀྱི་འགྲོ་སོང་།   གཞན་ཡང་འཚོ་བའི་ཕོགས་ སྣོན་སོགས་ཀྱི་འགྲོ་སོང་གཏོང་ཆེད་ཡིན།༼ཆེད་ལས་འཕེལ་རྒྱས་ཀྱི་གོ་སྐབས་ལ་ཞུགས་རྒྱུ་དེ་ཀུན་ཕན་ཐེབས་རྩ་ཚོགས་པའི་ ཆོག་འཆན་ཐོབ་རྗེས་ད་གཟོད་རྒྱབ་སྐྱོར་བྱེད་རྒྱུ་རེད༽

ཞིབ་འཇུག་བྱ་དགའ་འདིའི་ནང་གཤམ་གསལ་གྱི་འགྲོ་སོང་མི་འཚུད།

• མ་རྩ་ཅན་གྱི་ཡོ་ཆས་༼རྩིས་འཁོར་དང་པར་ཆས་སོགས༽།
• ལས་རོགས༼ཞིབ་འཇུག་གི་བྱ་དགའ་ཞུ་མཁན་གྱིས་སྔོན་ཆད་སོ་སོས་ལས་རོགས་ དོ་དམ་བྱས་ནས་གྲུབ་འབྲས་བཟང་བོ་ཐོབ་ཡོད་པ་དངོས་སུ་སྟོན་དགོས༽
• དཔེ་སྐྲུན་གྱི་འགྲོ་སོང་།༼ཀུན་ཕན་ཐེབས་རྩ་ཚོགས་པས་འདིའི་སྐོར་གྱི་རོགས་སྐྱོབ་ལོགས་སུ་བཙུགས་ཡོད༽

ཞིབ་འཇུག་གི་བརྗོད་གཞི་ངེས་པར་དུ་ཞིབ་འཇུག་གི་བྱ་དགའ་དང་འབྲེལ་བ་ཡོད་དགོས། མིག་སྔར་འབྲེལ་ཡོད་ཀྱི་བརྗོད་གཞི་ནི༔

• འཕེལ་རྒྱས་ཀྱི་མ་དཔེ། ༼གཞུང་ལུགས་དང་ལག་ལེན།༽   
• སློབ་གསོའི་ལམ་ལུགས།
• གྲངས་ཉུང་མི་རིགས་ཀྱི་སྐད་ཡིག་གི་གནད་དོན།
• དེང་རབས་ཅན་དང་སྲོལ་རྒྱུན་གྱི་རིག་གནས།
• སྤྱི་ཚོགས་དཔལ་འབྱོར་སྐོར་གྱི་ཞིབ་འཇུག
• ཡུལ་སྐོར་སྤྲོ་འཆམ།
• བོད་ཀྱི་གསོ་རིག
• ཕྱུགས་ལས་དང་ཞིང་ལས་སྲིད་ཇུས།

གཞན་ཡང་།   ང་ཚོས་ད་ལོར་གཤམ་གསལ་གྱི་བརྗོད་གཞི་སྐོར་ལ་ཞིབ་འཇུག་བྱེད་མཁན ཀྱི་མི་ལ་དམིགས་བསལ་གྱི་བསམ་བློ་གཏང་རྒྱུ་ཡིན༔

• མཚོ་བོད་མཐོ་སྒང་ཐོག་གི་སྲོལ་རྒྱུན་འབྲོག་ལས་དང་ཞིང་ལས་དཔལ་འབྱོར་ལ་འཕྲད་བཞིན་པའི་དཀའ་གནད།
• བོད་སྐད་ལ་འཕྲད་བཞིན་པའི་དཀའ་གནད།
• ཁོར་ཡུག་སྲུང་སྐྱོབ།
• ས་གནས་ཀྱི་ལོ་རྒྱུས།
• གྲོངས་ཉུང་མི་རིགས་ཀྱི་སློབ་གསོ།

ཞིབ་འཇུག་གི་མཇུག་ཏུ་ཞིབ་འཇུག་པ་ཚོས་ཕྱོགས་སྡོམ་སྙན་ཞུ་རེ་བྲིས་ནས་ཀུན་ཕན་ཐེབས་རྩ་ཚོགས་པར་སྤྲོད་དགོས།         ཕྱོགས་སྡོམ་སྙན་ཞུ་དེའི་ནང་རོགས་སྐྱོར་མ་དངུལ་བཏང་ ནས་ཞིབ་འཇུག་བྱས་པའི་ནང་དོན་གཞིར་བཟུང་བའི་རིག་གཞུང་དཔྱད་རྩོམ་ཞིག་ཀྱང་ འདུས་དགོས་ལ་དེ་ཀུན་ཕན་ཐེབས་རྩ་ཚོགས་པའི་དྲ་དངོས་སུ་ཡོངས་བསྒྲགས་བྱ་དགོས། ཐེབས་རྩ་ཚོགས་པས་བྱ་འགུལ་འདི་བརྒྱུད་དེ་ཞིབ་འཇུག་པ་ཚོར་ཞིབ་འཇུག་གི་གྲུབ་འབྲས་ཅི་ཞིག་ཐོབ་ཡོད་ངོ་སྤྲོད་བྱ་རྒྱུའི་རེ་བ་འདོན་ཀྱང་སྲིད།ཞིབ་འཇུག་པ་ཚོས་དངོས་བརྒྱུད་གང་རུང་ནས་རང་ཉིད་ཀྱི་ཞིབ་འཇུག་མ་དངུལ་འདི་ཀུན་ཕན་ཐེབས་རྩ་ཚོགས་པའི་ཞིབ་འཇུག་བྱ་དགའི་རོགས་དངུལ་ལས་ཐོབ་པ་ཡིན་པ་ངོས་ལེན་དང་གསལ་བཤད་བྱེད་པར་ང་ཚོས་རེ་ ལྟོས་བྱས་ཡོད།

ཞིབ་འཇུག་གི་རོགས་རམ་བྱ་དགའ་དང་འབྲེལ་བའི་ཆ་རྐྱེན་དང་ཞུ་ཡིག་གི་གོ་རིམ་ཐད་ཀྱི་ ཞིབ་ཕྲའི་གནས་ཚུལ་སོགས་ཞུ་ཡིག་གི་ཤོག་ངོས་ལ་གཟིགས་རོགས།

 

 

 

རོགས་སྐྱོར་འཚོལ་བ།

> སློབ་ཡོན།

• དངོས་གཞི་ཚན་ཁག་གི་བྱ་དགའི་དངུལ།
• དངོས་གཞི་ཚན་ཁག་རྗེས་ཀྱི་བྱ་དགའི་དངུལ།
• ཕུལ་བྱུང་ཆེད་ལས་ཤེས་ལྡན་མི་སྣའི་བྱ་དགའི་དངུལ།
• ཡང་ཡང་འདོན་པའི་འདྲི་བ།
• ད་ལྟ་ཞུ་ཡིག་གཏོང་བ།
• ཞུ་ཡིག་གི་རྒྱུ་ཆ་ཕབ་ལེན་པ།

> ཞིབ་འཇུག་གི་རོགས་རམ་བྱ་དགའ།

• རོགས་རམ་ཞུ་བ་དང་ཞུ་ཡིག་འབེབ་པ།

 

 

རོགས་དངུལ་དང་རྒྱབ་སྐྱོར་དྲ་ཤོག་གི་མདུན་ཤོག་ཏུ་ཕྱིར་སྐྱོད།

 

• མདུན་ཤོག |
•  ཀུན་ཕན་གྱི་སྐོར། |
•  ལས་གཞི། |
•  རོགས་དངུལ་དང་རྒྱབ་སྐྱོར། |
•  ཚོགས་འདུ། |
•  གསར་འགྱུར། |
•  རྒྱུ་ཆ། |
•  འཚོལ་བ། |
•  དྲ་ཤོག་གི་ས་བཀྲ། |
•  ང་ཚོར་འབྲེལ་གཏུགས་གནང་ས།
•  ང་ཚོའི་འཕྲིན་ཐོའི་ནང་དུ་ཞུགས།

                                                                   

པར་དབང་ཡོད་ཚད་ཀུན་ཕན་ཐེབས་རྩ་ཚོགས་པའི་དྲ་བར་དབང་བས་གཞན་གྱིས་རང་དགར་སྤྱོད་མི་ཆོག