• མདུན་ཤོག
• ཀུན་ཕན་གྱི་སྐོར།
• ལས་གཞི།
•  རོགས་དངུལ་དང་རྒྱབ་སྐྱོར།
•  ཚོགས་འདུ།
•  གསར་འགྱུར།
•    རྒྱུ་ཆ།

     སློབ་གསོ། | ཞིང་འབྲོག་ཡར་རྒྱས། | འཕྲོད་བསྟེན། | རིག་གནས།

ལས་གཞིའི་སྤྱི་དོན། མཚོ་སྔོན་ཞིང་ཆེན་ཚན་རིག་དགེ་རྒན་སྦྱོང་བརྡར་ལས་གཞི།

ལས་གཞིའི་དམིགས་ཡུལ་དང་ནང་དོན།

ཀུན་ཕན་ཐེབས་རྩ་ཚོགས་པས་ཀྲུང་གོའི་མངའ་ཁོངས་ཀྱི་བོད་ཀྱི་ས་ཁུལ་ཁག་གི་སློབ་གསོའི་སྤུས་ཚད་འཕེལ་རྒྱས་སུ་གཏོང་བར་འབད་པ་བྱེད་བཞིན་ཡོད། ཡིན་ནའང་བོད་སྐད་བཤད་མཁན་གྱི་དགེ་རྒན་ཚོས་གཙོ་བོ་བོད་ཀྱི་སྐད་ཡིག་དང་རྩོམ་རིག་གི་ཐོག་ལ་སློབ་སྦྱོང་བྱས་ཡོད་པར་བརྟེན། འདིས་སློབ་ཚན་གཞན་དག་གི་ཁྱབ་ཁོངས་སུ་བོད་ཀྱི་ཕ་སྐད་སློབ་གསོ་འཕེལ་རྒྱས་གཏོང་བར་འགོག་རྐྱེན་ཐེབས་བཞིན་ཡོད། ཀུན་ཕན་ཐེབས་རྩ་ཚོགས་པས་གནད་འགག་འདི་ངོས་ཟིན་ཏེ་ ༢༠༠༧ ལོར་མཚོ་ སྔོན་ཚན་རིག་དགེ་རྒན་སྦྱོང་བརྡར་ལས་གཞི་ཞེས་པ་ཞིག་མགོ་བརྩམས་པ་ཡིན། དུས་ཡུན་ལོ་གསུམ་རིང་གི་ལས་གཞི་འདི་ནི་བོད་ཀྱི་ཕ་སྐད་སློབ་གསོའི་ཁོངས་ཀྱི་སློབ་ཚན་ལྔ་སྟེ། རྩིས་རིག་དང་། དངོས་ལུགས། རྫས་འགྱུར། སྐྱེས་དངོས། ས་རྒྱུས་བཅས་ཀྱི་སྤུས་ཚད་གོང་འཕེལ་དུ་གཏོང་ཆེད་བཟོས་པ་ཞིག་ཡིན།

ལས་གཞིའི་འགྲེལ་བཤད།

ཀུན་ཕན་ཐེབས་རྩ་ཚོགས་པའི་མཚོ་སྔོན་ཚན་རིག་དགེ་རྒན་སྦྱོང་བརྡར་ལས་གཞི་འདིས་མཚོ་ལྷོ་དང་རྨ་ལྷོ། མཚོ་ཤར་ས་ཁུལ་བཅས་ཀྱི་ས་གནས་མང་ཚོགས་ཀྱི་དགོས་མཁོ་གཞིར་བཟུང་སྟེ། ས་ཁུལ་འདི་དག་ཏུ་ནམ་རྒྱུན་ནས་བསླབ་འབྲས་ཞན་པའི་རང་བྱུང་ཚན་རིག་གི་རྒྱུགས་འབྲས་རྣམས་ཡིག་ཚགས་སུ་ཉར་འགོད་ཀྱིས། སྤུས་ཚད་མཐོ་བའི་སློབ་ཁྲིད་བྱེད་ཐབས་ཀྱི་མ་དཔེ་གཞན་འགེབས་བྱེད་རུང་བ་ཞིག་བཟོ་འགོད་བྱེད་པར་དམིགས་ཡོད། གཞན་ཡང་ལས་གཞི་འདིས་ད་ལྟ་སྒྲུབ་བཞིན་པའི་མཚོ་ལྷོའི་ དམའ་འབྲིང་སློབ་གྲྭའི་ལས་གཞི་ཞེས་པ་དེ་དང་མཉམ་འབྲེལ་གྱིས་མཐུན་རྐྱེན་གཅིག་སྡུད་དང་ནུས་ཤུགས་གཅིག་སྒྲིལ་བྱེད་པའི་འཆར་གཞི་ཡང་བཟོས་ཡོད། ལས་གཞི་འདིས་སློབ་གྲྭ་ ༢༠ དང་། རྫོང་དང་ས་ཁུལ་རིམ་པའི་སློབ་གསོའི་ལས་ཁུངས་ཁག་དང་མཉམ་འབྲེལ་གྱིས་གཙོ་ཆེར་གཤམ་གསལ་དོན་ཚན་ཁག་གི་ཐོག་ནས་སློབ་ཁྲིད་བྱེད་ཐབས་ཀྱི་སྤུས་ཚད་མཐོར་འདེགས་གཏོང་རྒྱུ་ཡིན།

• སློབ་ཚན་གྱི་བརྗོད་བྱ་དང་སློབ་ཁྲིད་བྱེད་ཐབས་ཀྱི་ཐོག་ལ་དགེ་རྒན་ཚོར་སྦྱོང་བརྡར་གང་ལེགས་སྤྲོད་རྒྱུ།
• བོད་ཡིག་སྦྱོང་བའི་གོ་སྐབས་ཇེ་མང་དང་སློབ་ཁྲིད་བྱེད་པའི་རྒྱུ་ཆ་ཇེ་ཡག་ཏུ་གཏོང་རྒྱུ།
• འཛིན་སྐྱོང་ཚགས་ཚུད་པའི་སློབ་གྲྭ་ཇེ་མང་དུ་གཏོང་རྒྱུ།
• དགེ་རྒན་གྱི་བརྩོན་སེམས་ཇེ་ཆེར་གཏོང་རྒྱུ།
• ལས་གཞིའི་གནས་ཚུལ་ཐོ་འགོད་དང་འགྲེམས་སྤེལ་བྱེད་རྒྱུ།

འཆར་འགོད་བྱས་ཟིན་པའི་ལས་སྒོ་ཁག

དགེ་རྒན་སྦྱོང་བརྡར།

• དགེ་རྒན་ ༣༧ གྱིས་ལས་རོགས་སློབ་གྲྭ་ ༢༡ གི་དགེ་རྒན་ཡོངས་ལ་སྦྱོང་བརྡར་སྤྲོད་རྒྱུ། དགེ་རྒན་ཚོས་སློབ་མ་གཙོར་འཛིན་གྱི་སློབ་ཁྲིད་བྱེད་ཐབས་ཀྱི་ཐོག་ལ་སྦྱོང་བརྡར་བྱས་རྗེས། སོ་སོའི་སློབ་གྲྭར་སོང་ནས་དགེ་རྒན་གཞན་ཚོར་དེའི་སྐོར་གྱི་སྦྱོང་བརྡར་སྤྲོད་རྒྱུ།


• སློབ་ཚན་ཁག་གི་ཤེས་བྱའི་ཐད་ལ་སྦྱོང་བརྡར་ལས་རིམ་ ༣ སྤྲོད་རྒྱུ། དགེ་རྒན་ཚོས་སོ་སོས་གང་ཞིག་སློབ་ཁྲིད་བྱེད་པའི་སློབ་ཚན་གྱི་ཐོག་ལ་༢༠༠༨ དང་ ༢༠༠༩། ༢༠༡༠ བཅས་ཀྱི་དགུན་ཁར་ཁོང་ཚོར་ལོ་འཁོར་སྦྱོང་བརྡར་ཁ་སྣོན་སྤྲོད་རྒྱུ།

བོད་སྐད་ཀྱིས་སློབ་ཁྲིད་བྱེད་ཐབས་ཀྱི་རྒྱུ་ཆ།

• བོད་སྐད་ཀྱིས་སློབ་ཁྲིད་བྱེད་ཐབས་ཀྱི་དཔེ་དེབ་གསར་བ་ ༥ དཔེ་སྐྲུན་བྱེད་རྒྱུ། ཀུན་ཕན་ཐེབས་རྩ་ཚོགས་པའི་རོགས་རམ་འོག་ལས་གཞིའི་བྱེད་སྒོ་དང་པོའི་སྐབས་སུ་བདམས་ཐོན་བྱུང་བའི་དགེ་རྒན་གྱི་ཟུར་ལྟའི་དཔེ་དེབ་ ༢ དང་། སློབ་ མའི་ཟུར་ལྟའི་ཀློག་དེབ་ ༣ བཅས་པར་སྐྲུན་བྱེད་རྒྱུ།


• སློབ་ཁྲིད་རྒྱུ་ཆ་རྣམས་དྲ་ཐོག་ཏུ་ཀློག་རྒྱུ་ཡོད་པར་བཟོ་བ། བོད་སྐད་ཀྱིས་སློབ་ཁྲིད་བྱེད་པའི་རྒྱུ་ཆ་རྣམས་ཀུན་ཕན་ཐེབས་རྩ་ཚོགས་པས་བཟོས་པའི་དྲ་རྒྱའི་ཐོག་ཏུ་བཞག་སྟེ། ཕ་སྐད་སློབ་གསོའི་ཡར་རྒྱས་ལ་སྐུལ་འདེད་གཏོང་རྒྱུ།

དགེ་རྒན་གྱི་བརྩོན་སེམས།

• སློབ་ཡོན་བྱ་དགའ་ ༡༠ སྤྲོད་རྒྱུ།སྦྱོང་བརྡར་སྤྲོད་མཁན་གྱི་དགེ་རྒན་ཡག་ཤོས་ཚོར་སློབ་ཡོན་བྱ་དགའ་སྤྲད་དེ་ཁོང་ཚོར་སློབ་གྲྭ་ཆེན་མོའི་དངོས་གཞིའི་ཤེས་ཚད་ཐོབ་པར་བྱེད་རྒྱུ།

ལས་གཞིའི་གནས་ཚུལ་རྣམས་ཐོ་འགོད་དང་འགྲེམས་སྤེལ་བྱེད་རྒྱུ།

• ལས་གཞིའི་གནས་ཚུལ་ཟིན་ཐོར་འགོད་རྒྱུ། ལས་གཞིའི་སྔ་ཕྱི་བར་གསུམ་གྱི་གནས་ཚུལ་རྣམས་བརྙན་པར་དང་། བརྙན་འཕྲིན། སྒྲ་སྡུད།གཞན་ཡང་རྒྱུ་དངོས་ཉར་ཚགས་བཅས་བྱེད་པའི་ཐོག་ནས་ཟིན་ཐོར་འགོད་རྒྱུ། 
• མཇུག་སྡོམ་ལས་རིམ་ཚུགས་རྒྱུ། ལས་གཞི་འདིའི་གྲུབ་འབྲས་རྣམས་རྨང་གཞིར་བཟུང་སྟེ།  མ་འོངས་པའི་ལས་གཞི་ཁག་གི་ཆེད་དུ་དཔེ་འགེབས་བྱེད་རུང་བའི་སྦྱོང་བརྡར་གྱི་དཔེ་གཞི་ཞིག་གཏན་འབེབས་བྱེད་རྒྱུར། མཚོ་ལྷོའི་དམའ་འབྲིང་སློབ་གྲྭའི་ལས་གཞི་དང་མཉམ་འབྲེལ་གྱིས་མཇུག་སྡོམ་ལས་རིམ་ཞིག་འཚོགས་རྒྱུ་ཡིན། མཐའ་སྡོམ་གྱི་སྙན་ཞུའི་ཡི་གེ་ལ་ཀུན་ཕན་ཐེབས་རྩ་ཚོགས་པ་དང་ཞིང་ཆེན་རིམ་པའི་སློབ་གསོ་ལས་ཁུངས་སོ་སོ་ནས་མཚན་རྟགས་འགོད་རྒྱུ།

ད་ཕན་གྱི་གྲུབ་འབྲས།

དགེ་རྒན་སྦྱོང་བརྡར།

• དགོས་མཁོ་ཤེས་རྒྱུའི་ཆེད་དུ་སྔོན་འགྲོའི་ལས་རིམ་ཞིག་བཀོད་སྒྲིག་བྱས། ཟུར་ལྟའི་སློབ་ཁྲིད་རྒྱུ་ཆ་གང་དག་དགོས་མཁོ་ཆེ་བ་དང་ལས་གཞི་འདིར་སྦྱོང་བརྡར་སྤྲོད་ཐབས་ཀྱི་དཔེ་གཞི་གང་འདྲ་ཞིག་དགོས་པ་བཅས་ཤེས་རྟོགས་ཡོང་བར། མཚོ་ལྷོ་ཁུལ་དམའ་འབྲིང་སློབ་གྲྭའི་ལས་གཞི་དང་ལས་རོགས་སློབ་གྲྭ་ ༢༡ གི་འཛིན་སྐྱོང་མི་སྣ་ ༤༡ དང་མཉམ་རུབ་ཀྱི་ཐོག་ནས་ལས་སྒོ་ཞིག་ ཚུགས་པ་ཡིན།
• དགེ་རྒན་དང་འཛིན་སྐྱོང་མི་སྣ་ ༢༡ ལ་ཨིན་ཐྲི་ནེ་ཐྲིའི་འབྲེལ་ལམ་(internet)སྐོར་གྱི་སྦྱོང་བརྡར་སྤྲད།  ཀུན་ཕན་ཐེབས་རྩ་ཚོགས་པ་དང་ལས་རོགས་སློབ་གྲྭ་ཁག་ཕན་ཚུན་བར་འབྲེལ་གཏུགས་ཀྱི་དཀའ་ངལ་སེལ་ཆེད། ཉིན་ གསུམ་རིང་གི་ཨིན་ཐྲི་ནེ་ཐྲིའི་སྦྱོང་བརྡར་ཞིག་བཀོད་སྒྲིག་བྱས། 
• སློབ་གསོའི་ལས་དོན་སྒྲུབ་མཁན་མི་ ༣༧ ལ་སློབ་མ་གཙོར་འཛིན་གྱི་སློབ་ཁྲིད་བྱེད་ཐབས་ཀྱི་སྦྱོང་བརྡར་སྤྲད།  ལས་གཞི་ཚུགས་ཡུལ་ཁག་གི་དགེ་རྒན་དང་འཛིན་སྐྱོང་མི་སྣ། གཞུང་གི་ལས་བྱེད་པ་བཅས་ཀྱི་ཆེད། རྒྱལ་སྤྱིའི་མཁས་དབང་ཐྲོམ་ལེ་ཡོན་སུས་ (Tom Lyons) གཙོ་མཛད་དེ་གཟའ་འཁོར་གཅིག་རིང་གི་སྦྱོང་བརྡར་ཞིག་བཀོད་སྒྲིག་བྱས། 
• དགེ་རྒན་སྦྱོང་བརྡར་གྱི་འབྲེལ་མཐུད་ཚན་པ་ཞིག་བཙུགས།སྦྱོང་བརྡར་གྱི་ལས་རིམ་འདི་ཉིད་རྒྱུན་མ་ཆད་པར་སྤྲོད་རྒྱུའི་རྒྱབ་རོགས་སུ་ལས་རོགས་སློབ་གྲྭ་ཁག་ལས་ཕུལ་བྱུང་དགེ་རྒན་རྣམས་གདམ་གསེས་བྱས། 

བོད་སྐད་ཀྱིས་སློབ་ཁྲིད་བྱེད་པའི་རྒྱུ་ཆ།

• བོད་ཀྱི་ཕ་སྐད་སློབ་གསོའི་དྲ་རྒྱ་ཞིག་གསར་འཛུགས་བྱས། གཞན་གྱིས་མ་དཔེར་བལྟ་རུང་བའི་གྲུབ་འབྲས་ཅན་གྱི་བོད་ཀྱི་ཕ་སྐད་སློབ་གསོའི་དཔེ་གཞི་ཞིག་འགྲེམས་སྤེལ་བྱེད་པའི་མཐུན་འགྱུར་གྱི་ཆེད་དུ་དྲ་རྒྱ་ཞིག་བཟོ་འགོད་བྱས། 
• ཐོ་འགོད་དང་འགྲེམས་སྤེལ། 
• བསམ་ཚུལ་བསྡུ་རུབ་བྱས་པ། 
ལས་བྱེད་པ་ཚོས་ལས་གཞི་འདིའི་གྲུབ་འབྲས་དང་སྤྱི་སྡོམ་ལ་ལྟ་ཞིབ་གང་ལེགས་བྱེད་ཐུབ་
ཆེད་བསམ་ཚུལ་བསྡུ་རུབ་ཀྱི་ལས་དོན་བསྒྲུབས། 

ལས་གཞིའི་གནས་ཚུལ་སྙིང་སྡུས།

དུས་ཡུན། ༢༠༠༧ ལོའི་སྤྱི་ཟླ་བརྒྱད་པ་ནས་
   ༢༠༡༠ ལོའི་སྤྱི་ཟླ་བརྒྱད་པ།

དངུལ་རྩིས། ཨ་སྒོར་༨༨༧།༡༢༥

ས་གནས། མཚོ་སྔོན་ཞིང་ཆེན་
   མཚོ་ལྷོ་ཁུལ་ (ཧེ་ནན་) རྨ་ལྷོ་ཁུལ་ (ཧོང་
   ནན་) མཚོ་ཤར་ས་ཁུལ་ (ཧེ་ཏུང་)

མཚོ་སྔོན་ཚན་རིག་དགེ་རྒན་སྦྱོང་བརྡར་ལས་གཞིའི་ལས་རོགས་ཁག་གི་མཚན་ཐོ།

• མཚོ་སྔོན་ཞིང་ཆེན་སློབ་གསོ་ཐིན།
• རྨ་ལྷོ་ཁུལ་གཅན་ཚ་རྫོང་མི་རིགས་སློབ་འབྲིང
  ་གཉིས་པ།
• རྨ་ལྷོ་ཁུལ་གཅན་ཚ་རྫོང་མི་རིགས་སློབ་འབྲིང་།
• མཚོ་ལྷོ་ཁུལ་ཁྲི་ཀ་རྫོང་ཐོང་ཀེན་བཅའ་སྡོད་
  སློབ་གྲྭ།
• རྨ་ལྷོ་ཁུལ་རྩེ་ཁོག་རྫོང་སྟོབས་ལྡན་དམའ་འབྲིང་སློབ་གྲྭ།
• རྨ་ལྷོ་ཁུལ་རེབ་གོང་རྫོང་(ཐུན་རིན་)དགེ་འདུན་ཆོས་འཕེལ་བོད་ཡིག་སློབ་འབྲིང་།
• མཚོ་ལྷོ་ཁུལ་ཁྲི་ཀ་རྫོང་མི་རིགས་སློབ་འབྲིང་།
• མཚོ་ལྷོ་ཁུལ་བྲག་དཀར་སྤྲེལ་རྫོང་ (ཞིན་ཧེ) ཧོ་ཁ་ཞང་མི་རིགས་སློབ་འབྲིང་།
• རྨ་ལྷོ་ཁུལ་རྩེ་ཁོག་རྫོང་ཧོར་ཉིན་ཕྱུག་དམའ་འབྲིང་སློབ་གྲྭ།
• རྨ་ལྷོ་ཁུལ་རྩེ་ཁོག་རྫོང་ཧོར་དམའ་འབྲིང་སློབ་གྲྭ།
• མཚོ་ལྷོ་ཁུལ་ཐུན་ཏེ་རྫོང་ཧེ་ཞིའུ་ཡུས་ཕུའུ།
• མཚོ་ལྷོ་ཁུལ་ཆབ་ཆ་རྫོང་ཧོན་ཧུའུ་མི་རིགས་སློབ་འབྲིང་།
• མཚོ་ལྷོ་ཁུལ་ཆབ་ཆ་རྫོང་མི་རིགས་སློབ་འབྲིང་།
• རྨ་ལྷོ་ཁུལ་རེབ་གོང་རྫོང་སྨད་པ་མི་རིགས་སློབ་འབྲིང་།
• རྨ་ལྷོ་ཁུལ་རེབ་གོང་རྫོང་མི་རིགས་བཅའ་སྡོད་སློབ་གྲྭ།
• རྨ་ལྷོ་ཁུལ་རེབ་གོང་རྫོང་མི་རིགས་སློབ་འབྲིང་།
• རྨ་ལྷོ་ཁུལ་རྩེ་ཁོག་རྫོང་མི་རིགས་སློབ་འབྲིང་།
• མཚོ་ལྷོ་ཁུལ་ཐུན་ཏེ་རྫོང་ཁ་སྒང་མི་རིགས་སློབ་འབྲིང་།
• མཚོ་ལྷོ་ཁུལ་ཐུན་ཏེ་རྫོང་མི་རིགས་སློབ་འབྲིང་།
• མཚོ་ལྷོ་ཁུལ་བྲག་དཀར་སྤྲེལ་རྫོང་མི་རིགས་སློབ་འབྲིང་།
• རྨ་ལྷོ་ཁུལ་རེབ་གོང་རྫོང་ཡུས་ཕུའུ་མི་རིགས་སློབ་འབྲིང་།

 

• མདུན་ཤོག |
•  ཀུན་ཕན་གྱི་སྐོར། |
•  ལས་གཞི། |
•  རོགས་རམ་ལེན་སྟངས། |
•  རྒྱུ་ཆ། |
•  རོགས་དངུལ། |
•  གསར་འགྱུར།

• འཚོལ་བ། |
•  དྲ་ཤོག་གི་ས་བཀྲ། |
•  ང་ཚོར་འབྲེལ་གཏུགས་གནང་ས། |
•  ཚོགས་མི།

 

 

 

པར་དབང་ཡོད་ཚད་ཀུན་ཕན་ཐེབས་རྩ་ཚོགས་པའི་དྲ་བར་དབང་བས་གཞན་གྱིས་རང་དགར་སྤྱོད་མི་ཆོག