སློབ་གསོ། | ཞིང་འབྲོག་ཡར་རྒྱས། | འཕྲོད་བསྟེན། | རིག་གནས།

ལས་གཞིའི་སྤྱི་དོན། བོད་ཀྱི་ཕ་སྐད་ཀྱི་མཐོ་རིམ་སློབ་གསོའི་སློབ་ཡོན་བྱ་དགའི་ལས་གཞི།

chinese version tibetan version


ལས་གཞིའི་དམིགས་ཡུལ་དང་ནང་དོན།

3 graduates

ཀུན་ཕན་ཐེབས་རྩ་ཚོགས་པའི་བོད་ཀྱི་སྐད་ཡིག་གི་མཐོ་རིམ་སློབ་གསོའི་སློབ་ཡོན་བྱ་དགའི་ལས་གཞི་ནི་སྤྱི་ལོ་༢༠༠༥ལོར་འགོ་བཙུགས་པ་ཡིན། དུས་ཡུན་ལོ་ངོ་དྲུག་ཅན་གྱི་ལས་གཞི་འདི་ནི་སློབ་ཁྲིད་དང་སློབ་གྲྭ་དོ་དམ། བོད་ཡིག་ལམ་གྱི་རྒྱུ་ཆའི་ཐོན་ཁུངས་གསར་དུ་སྐྲུན་པ་བཅས་བརྒྱུད་དེ་བོད་ཀྱི་སྐད་ཡིག་སློབ་གསོའི་བྱ་གཞག་འཕེལ་རྒྱས་སུ་གཏོང་བར་འབད་མཁན་གྱི་སློབ་མའམ། ཡང་ན་བོད་ཡིག་ཁོང་དུ་ཆུད་པའི་ཆེད་ལས་པ་བཅས་ལ་རྒྱབ་སྐྱོར་བྱེད་པར་ཇུས་འགོད་བྱས་པའི་ལས་གཞི་ཞིག་ཡིན། དོན་དམ་པར་རང་རེ་ཐེབས་རྩ་ཚོགས་པས་སྤྱི་ལོ་༢༠༠༠ལོ་ནས་བཟུང་བྱ་དགའི་སློབ་ཡོན་སྤྲོད་ཀྱི་ཡོད་མོད། འོན་ཀྱང་། བོད་ཀྱི་སྐད་ཡིག་གི་མཐོ་རིམ་སློབ་གསོའི་སློབ་ཡོན་བྱ་དགའི་ལས་གཞི་འདིར་གོང་དང་མི་འདྲ་ས་ཞིག་ཡོད་པ་ནི། ལས་གཞི་འདི་ནི་བོད་ཡིག་སློབ་གསོར་ཕུགས་རྒྱང་རིང་བའི་རྒྱབ་སྐྱོར་ཐད་གཏོང་བའི་རང་རེ་ཐེབས་རྩ་ཚོགས་པའི་ཐོན་ཁུངས་དང་འབད་བརྩོན་གྱི་ནུས་པ་གཅིག་སྡུད་ཡོང་ཆེད་དུ་ཇུས་འགོད་བྱས་པ་ཡིན་པ་དེ་རེད། བྱ་དགའི་སློབ་ཡོན་ལས་གཞི་འདིས་ས་གནས་སྤྱི་ཚོགས་ཁག་ལ་སྤྱི་ཚོགས་དང་ཁོར་ཡུག་ལ་འཆམ་མཐུན་ཡིན་ཞིང་། ས་གནས་རང་བཞིན་གཞིར་བྱས་པའི་ཡར་རྒྱས་ཀྱི་བྱ་གཞག་ལ་མཁོ་བའི་རྩལ་དང་ཡོ་ཆས་ཐད་མ་དངུལ་གཏོང་བའི་ཀུན་ཕན་ཐེབས་རྩ་ཚོགས་པའི་ཆོད་སེམས་དེ་དེ་བས་གསལ་བོར་བསྟན་ཡོད།



ལས་གཞིའི་འགྲེལ་བཤད།women studying

མཐོ་རིམ་སློབ་གསོ་ནི་བོད་ཁུལ་གྱི་དཔལ་འབྱོར་དང་སྤྱི་ཚོགས་ཡར་རྒྱས་ལ་མེད་དུ་མི་རུང་བའི་ཆ་ཤས་ཤིག་ཡིན། ཡིན་ནའང་། བོད་ཡིག་གཙོར་འཛིན་སློབ་གྲྭ་ཁག་གི་ནང་སློབ་ཁྲིད་བྱེད་མཁན་མང་ཆེ་བར་བོད་ཀྱི་སྐད་ཡིག་དང་རྩོམ་རིག་ཁོ་ནའི་ཐོག་སྦྱོང་བརྡར་ཐོབ་ཡོད་པ་ཙམ་ཡིན་པའི་རྐྱེན་གྱིས་བོད་ཡིག་ལམ་གྱི་གཞི་རིམ་སློབ་གསོའི་སྤུས་ཀར་ཚད་བཀག་ཐེབས་ཀྱི་ཡོད། ལས་རོགས་སློབ་གྲྭ་ཆེན་མོ་ཁག་ལ་ཐད་ཀར་བྱ་དགའི་སློབ་ཡོན་སྤྲོད་པ་དང་རོགས་དངུལ་སྤྲོད་པ་བརྒྱུད། བོད་ཀྱི་སྐད་ཡིག་གི་མཐོ་རིམ་སློབ་གསོའི་སློབ་ཡོན་བྱ་དགའི་ལས་གཞིས་རྣམ་པ་རྒྱ་ཆེ་བའི་སློབ་གཞི་ཁག་གི་ནང་བོད་ཡིག་ལམ་གྱི་སློབ་གསོའི་ཆེད་ལས་པ་དང་དགོས་ངེས་ཀྱི་ཐོན་ཁུངས་རྒྱ་སྐྱེད་གཏོང་བར་འབད་བརྩོན་བྱེད་ཀྱི་ཡོད། བྱ་དགའི་སློབ་ཡོན་ནི་སློབ་ཆེན་དངོས་གཞིའི་སློབ་མ་དང་ཞིབ་འཇུག་སློབ་མ། དེ་བཞིན་ཆེད་ལས་སྦྱོང་བརྡར་པའམ་ཆེད་སྦྱོང་སློབ་མ་བཅས་ལ་སྤྲོད་ཀྱི་ཡོད། ད་དུང་ཞིབ་འཇུག་སློབ་མ་ཚོས་བོད་ཡིག་སློབ་གསོའི་མ་ལག་སྲ་བརྟན་དུ་གཏོང་བར་དམིགས་པའི་ཞབས་ཞུའི་ལས་གཞི་ཡང་སྤེལ་གྱི་ཡོད།



འཆར་འགོད་བྱས་ཟིན་པའི་ལས་སྒོ་ཁག

outdoor address

བོད་ཀྱི་སྐད་ཡིག་གི་མཐོ་རིམ་སློབ་གསོའི་སློབ་ཡོན་བྱ་དགའི་ཐོག་སྙན་ཞུ་འབུལ་ཕྱོགས་ཀྱི་གནས་ཚུལ་དགོས་ན། སྙན་ཞུའི་རྒྱུ་ཆ་ཁག་གཞིར་འཛིན་རོགས།



ད་ཕན་གྱི་གྲུབ་འབྲས།

school building

སྤྱི་ལོ་༢༠༠༧ལོའི་ལོ་མཇུག་བར་དུ་བོད་རིགས་སློབ་མ་དང་ཆེད་ལས་པ་༡༠༨༠ལ་བོད་ཀྱི་སྐད་ཡིག་གི་མཐོ་རིམ་སློབ་གསོའི་སློབ་ཡོན་བྱ་དགའི་ལས་གཞི་འདི་བརྒྱུད་ནས་སྦྱང་བྱ་སྣ་ཚོགས་ཀྱི་ཐོག་ཏུ་སྔོན་ཐོན་སྦྱོང་བརྡར་ཐོབ་ཡོད། ཁོང་ཚོ་ལས་མང་བོ་ཞིག་གཞི་ནས་མཐར་ཕྱིན་ཏེ་བོད་ཀྱི་རིག་གནས་དང་སྤྱི་ཚོགས་ཡར་རྒྱས་དང་སྲུང་སྐྱོབ་ཀྱི་བྱ་གཞག་ཐོག་རིན་ཐང་ལྡན་པའི་བྱས་རྗེས་འཇོག་བཞིན་ཡོད།

དངོས་གཞིའི་སློབ་ཆེན་སློབ་མའི་སློབ་ཡོན་བྱ་དགའ།

  • བོད་ཡིག་མཐོ་འབྲིང་མཐར་ཕྱིན་སློབ་མའི་སློབ་ཡོན་བྱ་དགའ་༥༥༡ཡིས་ཤེས་འཇོན་ལྡན་པའི་བོད་ཡིག་མཐོ་འབྲིང་གི་སློབ་མ་རྣམས་ལ་སློབ་ཆེན་དངོས་གཞིའི་འཛིན་གྲྭར་ཞུགས་པར་རོགས་རམ་བྱས་ཡོད།
  • སློབ་གླིང་གི་ཚུལ་ལྡན་དབུལ་ཕོངས་སློབ་མའི་བྱ་དགའ་༢༨༤ཡིས་རྣམ་དཔྱོད་ལྡན་པའི་བོད་ཡིག་སློབ་མར་ཁོང་ཚོའི་སློབ་ཆེན་དངོས་གཞིའི་སློབ་སྦྱོང་གི་རྒྱུན་སྐྱོང་བར་རོགས་རམ་བྱས་ཡོད།

ཞིབ་འཇུག་སློབ་མ་དང་ཆེད་སྦྱོང་སློབ་མའི་སློབ་ཡོན་བྱ་དགའ།

  • ཞིབ་འཇུག་སློབ་མའི་ཐད་ཀའི་སློབ་ཡོན་བྱ་དགའ་༥༨ཀྱིས་བོད་ཡིག་དངོས་གཞིའི་སློབ་མས་ཞིབ་འཇུག་སློབ་མའི་ཐོབ་ཐང་ལེན་ཐུབ་པར་བྱས་ཡོད།
  • ཆེད་སྦྱོང་སློབ་མའི་སློབ་ཡོན་བྱ་དགའ་༧༣བོད་ཡིག་སློབ་གསོའི་མ་ལག་ཡར་རྒྱས་སུ་གཏོང་བར་རང་ནུས་འབུལ་བའི་དམིགས་བསལ་ཆེད་ལས་པ་དང་དགེ་རྒན་ཚོར་སྤྲད་ཡོད། དེ་ལས་སློབ་ཡོན་༦༣རྒྱལ་ནང་དུ་སློབ་སྦྱོང་བྱེད་མཁན་ལ་སྤྲད་ཡོད་ལ་༧རྒྱལ་སྤྱིའི་ཐོག་སློབ་སྦྱོང་བྱེད་མཁན་ལ་སྤྲད་ཡོད། ད་དུང་༣ལས་ཐོག་སློབ་གསོའི་ཆེད་ལས་པར་ཕྱི་རྒྱལ་དུ་སློབ་སྦྱོང་བྱེད་ཆེད་དུ་སྤྲད་ཡོད།
  • ཞིབ་འཇུག་སློབ་མའི་འབྲེལ་མཐུད་སློབ་ཡོན་བྱ་དགའ་༡གིས་ད་ལྟ་འོད་སྟོང་འབར་བའི་མདུན་ལམ་ལྡན་པའི་རོགས་དངུལ་སྤྲོལ་ཡུལ་ཞིག་གིས་མཐོ་རིམ་སློབ་གསོའི་སློབ་སྦྱོང་བྱེད་པར་གྲ་སྒྲིག་བྱེད་བཞིན་ཡོད།

 

 

ལས་གཞིའི་གནས་ཚུལ་སྙིང་སྡུས།

དུས་ཡུན། ༢༠༠༥ ལོའི་སྤྱི་ཟླ་དང་པོ་ནས་ ༢༠༡༠ ལོའི་
སྤྱི་ཟླ་བཅུ་གཉིས།

དངུལ་རྩིས། ཨ་སྒོར་ ༡༠།༡༨༤།༩༢༠
(དངུལ་གྲངས་འདིའི་ནང་དུ་ཀུན་ཕན་ཐེབས་རྩ་ཚོགས་པའི་
རོགས་དངུལ་ཨ་སྒོར་ ༥།༣༩༠།༨༨༠ འདུས་ཤིང་དེས་བརྒྱ་
ཆ་ལྔ་བཅུ་ང་གསུམ་ཟིན

ས་གནས།   ༼ཀྲུང་གོ་དང་རྒྱལ་སྤྱིའི་ས་ཁུལ་བརྒྱུད་འབྲེལ་ལས་ཀ༽

Map of Project Location





བོད་ཀྱི་ཕ་སྐད་ཀྱི་མཐོ་རིམ་སློབ་གསོའི་སློབ་ཡོན་བྱ་དགའི་ལས་གཞིའི་མཉམ་འབྲེལ་ལས་རོགས་ཁག་གི་མཚན་ཐོ། 

  • མཚོ་སྔོན་དགེ་ཐོན་སློབ་གྲྭ་ཆེན་མོའི་མི་རིགས་དགེ་ཐོན་སློབ་གླིང་།
  • མཚོ་སྔོན་བོད་སྨན་སློབ་གླིང་།
  • མཚོ་སྔོན་མི་རིགས་སློབ་གྲྭ་ཆེན་མོ།
  • མཚོ་སྔོན་ཉེན་རྟོག་ལས་རིགས་སློབ་གླིང་།
  • ནུབ་བྱང་མི་རིགས་སློབ་གྲྭ་ཆེན་མོ།
  • སི་ཁྲོན་ཞིང་ཆེན་བོད་ཡིག་སློབ་གྲྭ་ཆེན་མོ།
  • བོད་ལྗོངས་བོད་སྨན་སློབ་གྲྭ་ཆེན་མོ།
  • རྨ་ལྷོ་བོད་རིགས་རང་སྐྱོང་ཁུལ་རེབ་གོང་རྫོང་མི་རིགས་སློབ་འབྲིང་།
  • མཚོ་ཤར་ས་ཁུལ་ཞུན་ཧྭ་རྡོ་སྦིས་བོད་ཡིག་སློབ་འབྲིང་།
  • རྨ་ལྷོ་བོད་རིགས་རང་སྐྱོང་ཁུལ་གཙན་ཚ་རྫོང་མི་རིགས་སློབ་འབྲིང་།
  • མཚོ་ཤར་ས་ཁུལ་བཱ་ཡན་མི་རིགས་སློབ་འབྲིང་།
  • ཡུའུ་ཧྲུའུ་བོད་རིགས་རང་སྐྱོང་ཁུལ་མཉམ་འབྲེལ་ལས་རིགས་སློབ་གྲྭ།
  • མཚོ་ལྷོ་བོད་རིགས་རང་སྐྱོང་ཁུལ་མི་རིགས་སློབ་འབྲིང་།
  • ཀན་ལྷོ་བོད་རིགས་རང་སྐྱོང་ཁུལ་གཙོས་བོད་ཡིག་སློབ་འབྲིང་།
  • མཁར་བཙན་གྲོང་ཁྱེར་དཔའ་རིས་བོད་ཡིག་སློབ་འབྲིང་།
  • རྔ་བ་བོད་རིགས་རང་སྐྱོང་ཁུལ་མཛོད་དགེ་བོད་ཡིག་སློབ་འབྲིང་།
  • རྔ་བ་བོད་རིགས་རང་སྐྱོང་ཁུལ་རྐ་ཁོག་བོད་ཡིག་སློབ་འབྲིང་།
  • དཀར་མཛེས་བོད་རིགས་རང་སྐྱོང་ཁུལ་དཀར་མཛེས་རྫོང་སློབ་འབྲིང་བོད་ཡིག་སྡེ་ཁག
  • དཀར་མཛེས་ཁུལ་དཀར་མཛེས་རྫོང་སློབ་འབྲིང་གི་བོད་ཡིག་ཚན་ཁག
  • དཀར་མཛེས་བོད་རིགས་རང་སྐྱོང་ཁུལ་དར་རྩེ་མདོ་བོད་ཡིག་སློབ་འབྲིང་།
  • རྔ་བ་བོད་རིགས་རང་སྐྱོང་ཁུལ་མི་རིགས་མཐོ་འབྲིང་སློབ་གྲྭ།
  • ཀན་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་བོད་ཡིག་སློབ་འབྲིང་།
  • ཀན་ལྷོ་བོད་རིགས་རང་སྐྱོང་ཁུལ་བླ་བྲང་བོད་ཡིག་སློབ་འབྲིང་།
  • ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་བོད་ཡིག་སློབ་འབྲིང་།
  • ཀན་ལྷོ་བོད་རིགས་རང་སྐྱོང་ཁུལ་ཇོ་ནེ་བོད་ཡིག་སློབ་འབྲིང་།
  • མཚོ་ལྷོ་བོད་རིགས་རང་སྐྱོང་ཁུལ་ཀོས་ནན་རྫོང་མི་རིགས་སློབ་འབྲིང་།
  • མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་མི་རིགས་སློབ་འབྲིང་།
  • སློབ་ཡོན་བྱ་དགའ་ཐོབ་མཁན་གང་ཟག་སྒེར་བ་ཚོ།