སློབ་གསོ། | ཞིང་འབྲོག་ཡར་རྒྱས། | འཕྲོད་བསྟེན། | རིག་གནས།

ལས་གཞིའི་སྤྱི་དོན། བོད་ཀྱི་ནོར་ཕྱུར་ལས་གཞི།

ལས་གཞིའི་དམིགས་ཡུལ་དང་ནང་དོན།

ཀུན་ཕན་ཐེབས་རྩ་ཚོགས་པས་མདོ་དབུས་མཐོ་སྒང་གི་ས་གནས་རིག་གཞུང་དང་གོམས་སྲོལ་ལ་བརྩི་སྲུང་བྱེད་པའི་ཐོག་ནས་ས་གནས་དཔལ་འབྱོར་དང་སྤྱི་ཚོགས་གནས་སྟངས་ཡར་རྒྱས་སུ་གཏོང་བའི་ཞིང་འབྲོག་ཡར་རྒྱས་ལས་གཞི་ཁག་ལ་རྒྱབ་སྐྱོར་བྱེད་ཀྱི་ཡོད། སྤྱི་ལོ་༢༠༠༤ལོར། དེ་སྔ་སྤྱི་ལོ་༢༠༠༡ལོར་ཀུན་ཕན་ཐེབས་རྩ་ཚོགས་པས་ཐེབས་རྩ་ཚོགས་པའི་ཞིང་འབྲོག་ཡར་རྒྱས་དང་སློབ་གསོ་གཉིས་ཀྱི་དམིགས་འབེན་གཅིག་ཏུ་བསྡུས་པའི་མོང་མ་ཡིན་པའི་ཡོང་སྒོ་བཙལ་འཚོལ་ཆེད་དུ་བོད་ཀྱི་ནོར་ཕྱུར་ལས་གཞི་སྤེལ། ལས་གཞི་འདི་དེ་སྔ་གངས་ལྗོངས་ཕྱུར་བའི་བཟོ་གྲྭ་འཛུགས་སྐབས་མཉམ་འབྲེལ་བྱེད་མཁན་གྱི་འཇིགས་མེད་རྒྱལ་མཚན་སྒེར་བཙུགས་སློབ་གྲྭ་དང་མཉམ་དུ་བསྒྲུབས། ས་གནས་འབྲོག་པ་མང་ཚོགས་ཀྱི་ལག་ནས་འོ་མ་རྫོགས་མེད་ཉོས་ཏེ་རྒྱལ་སྤྱི་དང་རྒྱལ་ནང་གཉིས་ཀའི་ཚོང་རར་དམིགས་པའི་ཕྱུར་རིགས་སྣ་ཚོགས་ཐོན་སྐྱེད་བྱས། ཐོན་རྫས་བཙོངས་པའི་རིན་འབབ་ཀྱིས་ས་གནས་སློབ་གྲྭ་གཉིས་ཏེ། འཇིགས་མེད་རྒྱལ་མཚན་སྒེར་བཙུགས་སློབ་གྲྭ་དང་རྩྭ་ཐང་བུ་མོའི་འཇོན་ནུས་སློབ་གྲྭ་གཉིས་ཀྱི་འགྲོ་སོང་ཁེབས་པར་བྱེད་ཀྱི་ཡོད། སློབ་གྲྭ་འདི་གཉིས་ཀྱིས་འབྲོག་པའི་བྱིས་པ་རྣམས་ལ་གནའ་དེང་བོད་ཀྱི་བསླབ་གཞི་ཁག་གི་ཐོག་རིན་མེད་ཀྱིས་སློབ་སྦྱོང་སྤྲོད་ཀྱི་ཡོད། བོད་ཀྱི་ནོར་ཕྱུར་ལས་གཞིས་ཁོངས་མི་འདྲ་བ་གསུམ་གྱི་ཐོག་ཤུགས་སྣོན་བརྒྱབ་སྟེ་བཟོ་གྲྭ་འདི་རང་བརྟེན་བཟོ་གྲྭ་ཞིག་འགྱུར་བར་འབད་ཀྱི་ཡོད་དེ།

ལས་གཞིའི་འགྲེལ་བཤད།

དེང་སང་སློབ་མ་༤༤༠རང་ཉིད་ཀྱི་སློབ་སྦྱོང་གི་ཆེད་འཇིགས་མེད་རྒྱལ་མཚན་སྒེར་བཙུགས་སློབ་གྲྭར་བརྟེན་ཡོད། སློབ་གྲྭ་འདིར་སྲིད་གཞུང་གི་ངོས་ནས་གྲོན་དངུལ་ཅི་ཡང་འབྱོར་གྱི་མེད་ལ་ཁྱིམ་ཚང་གིས་སློབ་ཡོན་སྤྲོད་མི་ཐུབ། གངས་ལྗོངས་བོད་ཀྱི་ནོར་ཕྱུར་བཟོ་གྲྭ་འདི་སློབ་གྲྭ་འདིའི་མ་དངུལ་གྱི་རྟེན་གཞི་དེ་བྱས་ཡོད་པ་མ་ཟད། འབྲོག་པ་མང་ཚོགས་ལ་རང་ཉིད་ཀྱི་ཡུར་ཆུ་ལྟ་བུའི་འོ་མ་རྣམས་འཚོང་སའི་ཚོང་ར་ཞིག་ཡོད་པར་གྱུར་ཏེ་རང་བྱུང་ཁོར་ཡུག་དང་སྲོལ་རྒྱུན་འཚོ་ཐབས་གཉིས་ལ་མི་གནོད་པའི་ཡོང་སྒོ་བཙལ་འཚོལ་གོ་སྐབས་མང་དུ་བཏང་། བཟོ་གྲྭ་འདིས་ད་ལྟ་ཕྱུར་བ་རིགས་མི་འདྲ་བ་འགའ་རེ་བཟོས་ཏེ་ཀྲུང་གོའི་ནང་ཁུལ་གྱི་ཚོང་རར་འཛུལ་ཞུགས་ཐུབ་ཡོད། སྤྱི་ལོ་༢༠༠༥ལོར། གངས་ལྗོངས་བོད་ཀྱི་ནོར་ཕྱུར་བཟོ་གྲྭས་རོགས་ཚོགས་གཙོ་བོ་སྐྱེ་དངོས་དལ་ཟས་ཐེབས་རྩ་ཁང་དང་མཉམ་འབྲེལ་བྱས་ཏེ། བཟོ་གྲྭའི་ཐོན་རྫས་ཀྱིས་རྒྱལ་སྤྱིའི་ཁྲོམ་ར་འགྲིམ་འགོ་བརྩམས། བཟོ་གྲྭ་འདི་ཉིད་རང་སྐྱ་ཐུབ་ལ་འཇིགས་མེད་རྒྱལ་མཚན་སྒེར་བཙུགས་སློབ་གྲྭའི་ཁ་གསོ་ཐུབ་པའི་ཚོང་ལས་སྡེ་ཁག་ཅིག་ཏུ་འགྱུར་བར་དམ་བཅས་ཡོད་མོད། འོན་ཀྱང་། ཕྱུར་བའི་སྤུས་ཚད་མཐོར་འདེགས་དང་ཕྱུར་བཟོ་བ་ཚོའི་རྒྱལ་སྤྱིའི་ཁྲོམ་ར་འགྲིམ་པའི་ནུས་པ་བཅས་སྐྱེད་སྲིང་བྱེད་པར་ད་དུང་ཁ་གསབ་ཀྱི་རོགས་འདེགས་ཧ་ཅང་མཁོ། བོད་ཀྱི་ནོར་ཕྱུར་ལས་གཞིས་ཁོངས་མི་འདྲ་བ་གསུམ་གྱི་ཐོག་ཤུགས་སྣོན་བརྒྱབ་སྟེ་བཟོ་གྲྭ་འདི་རང་བརྟེན་བཟོ་གྲྭ་ཞིག་འགྱུར་བར་འབད་ཀྱི་ཡོད་དེ།

• ཕྱུར་བཟོ་བའི་འཕྲུལ་ལས་ལག་རྩལ་ཡར་རྒྱས་སུ་གཏོང་བ།
• དོ་དམ་ནུས་པ་མཐོར་འདེགས་གཏོང་བ།
• ཕྱིར་ཚོང་དང་ཁྱབ་བསྒྲགས་ཀྱི་ནུས་རྩལ་སྐྱེད་སྲིང་བྱེད་པའོ།།

ལས་སྒོ་དང་གྲུབ་འབྲས།

ཕྱུར་བཟོ་བའི་འཕྲུལ་ལས་ལག་རྩལ་ཡར་རྒྱས་སུ་གཏོང་བ།:

• ཕྱུར་བཟོ་བ་༡༢ལ་རྒྱལ་སྤྱིའི་ཆེད་ལས་མཁས་པའི་མདུན་ནས་སྦྱོང་བརྡར་ཐོབ་ཡོད། གངས་ལྗོངས་བོད་ཀྱི་ནོར་ཕྱུར་བཟོ་གྲྭའི་ཕྱུར་བཟོ་བ་༡༢ལ་ཕྱུར་བ་ཐོན་སྐྱེད་ལག་ཐབས་དང་ཚད་གཞི་བཅས་ཀྱི་ཐོག་སྦྱོང་བརྡར་ཐོབ།
• ཕྱུར་བཟོའི་འགོ་བ་༢ཀྱིས་རང་ཉིད་ཀྱི་སྦྱོང་བརྡར་རྒྱ་སྐྱེད་བཏང་། ཕྱུར་བཟོའི་འགོ་བ་དག་གིས་ཕྱུར་བ་ཐོན་སྐྱེད་དང་རང་ཉིད་ཀྱི་དོ་དམ་ནུས་པ་བཅས་ཡར་རྒྱས་སུ་གཏོང་བར་དམིགས་པའི་སྦྱོང་བརྡར་ལེགས་འགྲུབ་བྱུང་།
• གཞི་རྩའི་ཐོན་རྫས་ཀྱི་ཆེད་དུ་ཐོན་སྐྱེད་ཚད་གཞི་གཏན་འབེབས་བྱས། བཟོ་གྲྭའི་སྣེ་འདྲེན་ཕྱུར་བ་སྟེ། བོད་ཀྱི་ཅུང་མཁྲེགས་པའི་ཕྱུར་བ་ཐོན་སྐྱེད་ཀྱི་སྤུས་ཀ་ཆ་སྙོམས་ཡོང་ཆེད་ཐོན་སྐྱེད་ཀྱི་ཚད་ཐིག་ཅིག་བཟོས།
• ཕྱུར་བ་ཐོན་སྐྱེད་ཀྱི་ལག་དེབ་ཅིག་རྩོམ་སྒྲིག་བྱས། ལས་གཞི་འདིའི་ཕུགས་རྒྱང་རིང་བའི་དམིགས་ཡུལ་འགྲུབ་ཕྱིར་བཟོ་གྲྭའི་ད་ལྟ་དང་མ་འོངས་པའི་ཕྱུར་བཟོ་བ་ཚོའི་ཆེད་དུ་ཕྱུར་བཟོའི་བརྒྱུད་རིམ་རྣམས་གོམ་པ་རེ་རེ་བཞིན་ངོ་སྤྲོད་བྱས་པའི་ལག་དེབ་ཅིག་རྩོམ་སྒྲིག་དང་འགྲེམས་སྤེལ་བྱས།