རོགས་སྐྱོར་འཚོལ་བ།
དངོས་གཞི་ཚན་ཁག་གི་བྱ་དགའི་དངུལ། དངོས་གཞི་ཚན་ཁག་རྗེས་ཀྱི་བྱ་དགའི་
དངུལ།ཕུལ་བྱུང་ཆེད་ལས་ཤེས་ལྡན་མི་སྣའི་བྱ་
དགའི་དངུལ།ཡང་ཡང་འདོན་པའི་འདྲི་བ། ད་ལྟ་ཞུ་ཡིག་གཏོང་བ། ཞུ་ཡིག་གི་རྒྱུ་ཆ་ཕབ་ལེན་པ།
མཐོ་རིམ་སློབ་གསོའི་བྱ་དགའི་དངུལ་ཞུ་ཡིག་འབུལ་བའི་རྒྱུན་མཐོང་གནད་དོན་སྐོར་གྱི་དྲི་བ་དྲིས་ལན།
གསུམ། 《ཞབས་ཞུ་ལག་བསྟར་གྱི་འཆར་གཞི་》དང་ཞབས་ཞུའི་བྱ་འགུལ་གྱི་སྐོར།
དྲི་བ། ཅི་ཞིག་ལ་《ཞབས་ཞུའི་འཆར་གཞི་》ཟེར།
ལན། 《ཞབས་ཞུའི་འཆར་གཞི་》ནི་ཞུ་ཡིག་རྒྱུ་ཆའི་ཡིག་རིགས་ཁྲོད་ཀྱི་ནང་དོན་གལ་ཆེན་ཞིག་ཡིན། དེ་ནི་རྩོམ་ཐུང་གི་རྣམ་པ་བཀོལ་ནས་འབྲི་དགོས་ལ། དེའི་ནང་དུ་ཁྱོད་ཀྱིས་ཇུས་འགོད་བྱས་པའི་ཞབས་ཞུའི་ལས་གཞིའི་རིགས་དང་། ནང་དོན། ལས་གཞི་དེ་ལག་བསྟར་བྱེད་ཐབས་དང་། དུས་ཚོད། ས་གནས། མི་སྣ་བཅས་ཀྱི་སྤྱི་ཁོག་ལ་ཞིབ་ཆ་ཇི་ཙམ་ཡོད་ན་དེ་ཙམ་བཟང་། གོ་རིམ་མང་ཆེ་ཤོས་《ཞབས་ཞུའི་དུས་ཚོད་འཆར་གཞིའི་སྒྲིག་སྲོལ་ཞིབ་ཕྲ》ཞེས་པའི་ ཡིག་ཆར་ལྟ་རོགས་ཞུ། Word or PDF.
དྲི་བ། ཅི་ཞིག་ལ་《ཞབས་ཞུའི་ལས་གཞི་》ཟེར།
ལན། ཞབས་ཞུའི་ལས་གཞི་ནི་ཀུན་ཕན་ཐེབས་རྩ་ཚོགས་པའི་བྱ་དགའི་དངུལ་ཐོབ་མཁན་གྱིས་ངེས་པར་དུ་ཁེ་འབབ་རང་བཞིན་མིན་ལ་མི་རང་ཉིད་ཀྱི་ཕན་ཁེ་ལའང་འབྲེལ་བ་མེད་པར་སྤྱི་ཕན་རང་བཞིན་གྱིས་སྒྲུབ་དགོས་པའི་ལས་གཞི་ཞིག་ཡིན།
དྲི་བ། བྱ་འགུལ་རིགས་གང་ཞིག་ཞབས་ཞུ་ལས་གཞིའི་རེ་འདུན་དང་མི་འཚམ་པ་ཡིན།
ལན། མ་མཐའ་ཡང་་གཤམ་གྱི་བྱ་འགུལ་རིགས་བཞི་བོ་ཞབས་ཞུའི་ལས་གཞིའི་རེ་བའི་ནང་དོན་དང་མི་འཚམ་པ་ཡིན།
- A མི་རང་ཉིད་ཀྱི་ཁེ་ཕན་དང་འབྲེལ་ཡོད་ཀྱི་བྱ་འགུལ་ཡིན་སྲིད།
- B སློབ་གྲྭ་རིགས་སོ་སོས་རེ་བ་ལྟར་སྒྲུབ་པའི་སྤྱི་ཚོགས་བྱ་འགུལ།
- C རིགས་སོ་སོའི་སྦྱོང་ཚན་ལེགས་འགྲུབ་འབྱུང་བར་ངེས་པར་དུ་སྒྲུབ་དགོས་པའི་བྱ་འགུལ་དེ། ཞིབ་འཇུག་བྱ་གཞི་དང་ཚོད་ལྟ་སོགས་ལ་ཟེར།
- D རྩོམ་ཡིག་དང་དཔེ་ཆ་རྩོམ་པ།
དྲི་བ། ཞུ་ཡིག་གི་པྱད་གཞིའི་ཡིག་རིགས་སུ་ 《ཞབས་ཞུའི་འཆར་གཞི་》ཞུ་འབུལ་མ་བྱས་ན་ཆོག་གམ།
ལན། མི་ཆོག ཞུ་ཡིག་འབུལ་མཁན་ཚང་མས་ངེས་པར་དུ་དཔྱད་གཞིའི་ཡིག་རིགས་འདི་འབྲི་དགོས་པ་མ་ཟད་ཡར་འབུལ་ཡང་བྱེད་དགོས།
དྲི་བ། བྱ་དགའི་དངུལ་རིགས་གང་ཞིག་ཐོབ་མཁན་ལ་ཞབས་ཞུའི་འོས་འགན་མེད་ན་ཆོག།
ལན། ལས་ཐོག་དགེ་རྒན་ལ་ཕུལ་བྱུང་ཆེད་ལས་མི་སྣ་གྲགས་ཅན་གྱི་བྱ་དགའི་དངུལ་ཐོབ་སོང་ན་ཞབས་ཞུའི་འོས་འགན་མེད་ན་ཆོག སྔོན་འགྲོའི་ཆ་རྐྱེན་ནི་དགེ་རྒན་དེ་དག་ཕྱིར་སྔར་གྱི་ལས་གནས་སུ་སོང་སྟེ་བྱ་དགའི་དངུལ་ཐོབ་པའི་ལོ་ཚད་དང་མཚུངས་པའི་དུས་ཚོད་ནང་སློབ་གསོའི་བྱ་བ་སྒྲུབ་དགོས། ནང་དོན་ཆ་ཚང་བྱ་དགའི་དངུལ་གྱི་གྲོས་གཞི་ཡི་གེའི་འབྲེལ་ཡོད་ཀྱི་ཚན་པ་སོ་སོར་བལྟོས།
དྲི་བ། ཞབས་ཞུའི་ལས་གཞི་དོན་དངོས་སུ་ལག་བསྟར་བྱེད་དགོས་པའི་དུས་ཚོད་ནམ་ཞིག་ཡིན།
ལན། ཞིབ་འཇུག་སློབ་མ་མཐར་ཕྱིན་རྗེས་ཀྱི་ལོ་གཅིག་གི་ནང་ཡིན།
དྲི་བ། ཞབས་ཞུའི་ལས་གཞི་སློབ་སྦྱོང་གི་དུས་སྐབས་སུ་ཡོངས་འགྲུབ་བྱས་ཆོག་གམ།
ལན། མི་ཆོག ཞབས་ཞུའི་ལས་གཞི་ནི་ངེས་པར་དུ་སློབ་མཐར་ཕྱིན་རྗེས་ཀྱི་ལོ་གཅིག་གི་ནང་མགོ་བརྩམས་ཏེ་ལག་བསྟར་བྱས་ནས་ཡོངས་འགྲུབ་བྱེད་དགོས།
དྲི་བ། ཞབས་ཞུའི་ལས་གཞི་ནི་ངེས་པར་དུ་ཆེད་ལས་དང་འབྲེལ་བ་ཨེ་ཡོད།
ལན། ཞབས་ཞུའི་ལས་གཞི་རབ་ཡིན་ན་བསླབ་པའི་ཆེད་ལས་དང་འབྲེལ་བ་ཡོད་ན་བཟང་མོད། འོན་ཀྱང་གནས་ཚུལ་དངོས་ནི་གང་ལ་དེ་འཚམ་གྱིས་དམ་འཛིན་བྱེད་དགོས། གཙོ་བོ་བྱ་དགའི་དངུལ་གྱི་ལས་གཞི་སྒྲུབ་མཁན་ལ་དངོས་སུ་འབྲེལ་གཏུག་བྱས་ཏེ་རྒྱུས་ལོན་བྱུང་བའི་གནས་ཚུལ་དེ་གཞི་འཛིན་བྱེད་དགོས།
དྲི་བ། ཞབས་ཞུའི་བྱ་འགུལ་གྱི་དུས་ཚོད་རིང་ཐུང་ལ་ཚོད་འཛིན་ཨེ་ཡོད།
ལན། ཞབས་ཞུའི་ལས་གཞི་ཡི་དུས་ཚོད་ལ་ཉིན༢༠ལས་ཐུང་མི་ཆོག ལས་ཐོག་དགེ་རྒན་གྱི་རེ་འདུན་ནི་“ཞབས་ཞུའི་འོས་འགན་གསལ་བཤད་དང་ཞབས་ཞུའི་འཆར་གཞི་འབྲི་བའི་སྒྲིག་སྲོལ་ཞིབ་ཆའི་”ཡིག་ཆ་ལ་ཟུར་ལྟ་བྱེད་རོགས།
དྲི་བ། ཞབས་ཞུའི་ལས་གཞི་དུས་ཡུན་བགོས་ཏེ་སྒྲུབ་ན་ཆོག་གམ།
ལན། ཞབས་ཞུའི་ལས་གཞི་དུས་ཡུན་བགོས་ཏེ་རིམ་པ་འགའ་ཞིག་གི་ནང་སྒྲུབ་ཆོག་ལ། སྒྲུབ་ཐེངས་གཅིག་གི་ནང་དུ་ཡོངས་འགྲུབ་བྱས་ཀྱང་ཆོག
པར་དབང་ཡོད་ཚད་ཀུན་ཕན་ཐེབས་རྩ་ཚོགས་པའི་དྲ་བར་དབང་བས་གཞན་གྱིས་རང་དགར་སྤྱོད་མི་ཆོག